|
Ma si aere talentu e
cultura
cun versos raros de naturalesa
tia cantare sa tanta bellesa
chi cuncordu a sa manna natura
istellas sole e luna dae s'altura
dana a tottu su mundu limpidesa
poi s'umana prole in nobilesa
a fattu meraviglia in sa pittura
cun su belli kuadru e Fornarina
cun sos dipintos de celebre fama
in duna sala de sa Farnesina
bellu de sa gioconda su kuadru
chi es brillante che una fiamma
de cantu este sublime e leggiadru
in s'ispaziu nostru Italianu
chi bet s'architettura in dogni zona
es bellu su Duomo del Milanu
chi chentu guglias li faghen corona
sa catedrale de Pisa e Verona
de unistile bellu sovrumanu
poi in sas loggias de su Vaticanu
chi de bellos afrescos es padrona
s'isplendidu duomo de Orvieto
cun sa bella Certosa de Pavia
cun s'altu santuario de Loreto
ai ma caros lettores si podia
non mi diad bastare unu sonetto
cantare sa bellesa in poesia.
|