Cantare sa fortuna est impossibile
ca in tottu su mundu es parziale
e a sa vista umana es invisibile

S’appartadora de bene e de male
ma però de ogni essere umanu
si invocat pro su gosu temporale

Si son chi si partini lontanu
e si avventurana  in atteros lidos
ma aboltas si sacrifican, invano

Sun raros sos chi sunu favorido
de sa figura ignota e capricciosa
cussos chin luna bella sun naschios

Unateruna via fortunosa
chin su tempus modernu riguardos
appared’una parte invidiosa

Ischedinas o giogos de azzardosù
si azzecan sos numeros bramados
poden bincher diversis miliardos

Cussos si poden narrer fordunados
proite sunu tales binchidores
de poveros a riccos diventados

Cando sun de ricchesa possessores
non sunu tottus ma meda bindada
chi si perdene in varios errores

Ca crene sa partida assigurada
si doddisfan de tantos appetitos
e de lussiarias chin su mundu cada

Cuddos prima fini poverittos
cando de s’opulenza enin bagnados
non s’ammentana de cando vini afflittos

Proite si sun lestros viziados
ca aboltas fina intre sa famiglia
perdene sos raportos preziados

Faghen convusione e scompiglia
e un attritos de tantas genias
creschede s’arroganza e sa pintiglia

Cun divorzios e atteras manias
Santa Maria ‘e Palmas invocada
guida e prottetora tue sias

De sa misera zente isfortunada
digna  patrona de Aidumajore
dae sos abitantes venerada

Ses cun riu solenne e cun amore
una gema divina tue ispraghe
lughe suprem’e dogni abitatore

Premium e perdonu tottu faghe
incidi in dogni domo a una a una
prosperidade cun salude e paghe