| 1 |
| Ite sun custos ecos resentidos |
| Ch'an cominzadu e non cessan piusu |
| Ischidare che cheren sos dormidos |
| Sas
roccas de Inzale e Cortesusu |
| S'unda
de tantos ecos pepetidos |
| S'ordine naturale ana cunfusu |
| Chi rinbonbende dae fronte in fronte |
| Unu
rispondet a s'atteru monte |
|
| 2 |
| Chi s'iscunpanzat s'ordine terrestre |
| Ca
su chelu es serenu est impassibile |
| Ma creschet de sos ecos sa tempeste |
| Su tumultu si faghet pius terribile |
| Avanzo passos pro ischire itt'este |
| M'agatto in dunu mare indescrivibile |
| De
lagrimas attėtos e suspėros |
| De
lamentos, dismajos e deliros |
|
| 3 |
| Custu paret tumultu popolare |
| Tra me narzesi o gherra intestina |
| E prosighit sa zente a lacrimare |
| Formende ogni oju una pischina |
| Intendo tantas boghes esclamare |
| Morta Signora Vidili Angelina |
| Repitin chentu oghes a una orta |
| Ohi
itte dannu! Ohi! Ohi! Es morta! |
|
| 4 |
| De su paisu nostru i dogni puntu |
| Ecco chi generale fit su deu |
| Assu prantu comune l'apo aggiuntu |
| Ancoras deo su piantu meu |
| Deo aia su coro compuntu |
| Fė pro ettare sas culpas a Deu |
| Perō de cuss'errore mi so frantu |
| E
sigo a mi destruer in piantu |
|
| 5 |
| Non potende resister su dolore |
| Esclamesi: Oh morte ispiettada |
| Nara comente in su menzus fiore |
| Una vida de grassias adornada |
| De sa tumba in su tristu isquallore |
| L'as senza piedade impresonada |
| Ischinde chi po custa Palma Era |
| Pianghet lutttat una idda intera |
|
| 6 |
| O morte vile, incrudelida e dura |
| Nara comente su coraggiu as tentu |
| De inserrare in duna sepultura |
| Cust'amenu istelladu firmamentu |
| Ue s'es discanzada sa natura |
| Dandoli dogni donu e cumplimentu; |
| E tue temeraria, t'attremčsas |
| A
li leare donos e grandesas |
|
| 7 |
| Ecco isparėda in dunu mamentu |
| Sa
Signora de tottus saludada |
| De sa domo paterna s'ornamentu |
| De su babbu sa fizza prus amada |
| De sa mamma su gosu e su cuntentu |
| De sos frades sa sorre respettada |
| De sa sorre discanzu e allegria |
| E
de sa servitudine sa ghia |
|
| 8 |
| O domo tribulada veramente |
| Colpėda
de sa sorte pius funesta |
| Cand'Angelina fit frisca e ridente |
| Fisti tottu tripudiu tottu festa |
| Como a piangher tes cunbeniente |
| C'as perdidu sa dotta sa modesta |
| S'angela de sa paghe e de s'amore |
| Su cumplimentu de dogni bellore |
|
| 9 |
| De
donos de virtude centru e mottu |
| De puresa e modestia reina |
| Bidumajore pianghinde es tottu |
| Custa bellesa tanta peregrina |
| Ahi itte trista die ch'an connottu |
| Sos caros genitores de Angelina |
| Deo los cunpiango e los deploro |
| Unidemi
a su tantu dolu insoro |
|
| 10 |
| Ancoras deo Signor Salvadore |
| Li fatto cumpagnia a lagrimare |
| Custu
tributu de sinceru amore |
| Mi toccat de derettu a li pagare |
| Mancari malamente su dolore |
| Mi lasset custos versos alliviare |
| Cun sa musa de lagrimas bagniada |
| A
piangher l'aggiudo sa sa biāda |
|
| 11 |
| Ajō cherzo piangher cun Vostč |
| Cun sa muzzere e famiglia unida |
| Prostados de su tumulu a su pč |
| Isclamemus cun boghe resentida |
| O anima innocente beni e lč |
| Su bellu corpus tou e torra in vida |
| Ca si gasi non faghes tottu nois |
| Pro
te morimos in mesu sos ois |
|
| 12 |
| Pro nos alliviare sos turmentos |
| Anima de Deus beneditta |
| Si prus non podes pro pagos momentos |
| Torra a a su corpus tou e resuscitta |
| Ritiradi
sos donos e talentos |
| De poi cal e cun Deus abitta |
| Ma non lessas in terra s'ermosura |
| Consumendesi
in custa sepultura |
|
| 13 |
| Sas modestas mirādas attrattivas |
| Cudda dulche armonia in faeddare |
| Donos e garbos e prerogativas |
| Cuddu modu gentile in su trattare |
| Nara pro cale fine tinde privas |
| E non torras pro ti che los leare? |
| Si custos donos in sa tumba lassas |
| Mortamente su coro nos trapassas! |
|
| 14 |
| abbandonemus custa sepultura |
| pro poder respirare accantecantu |
| e gai l'ingannamos sa tristura |
| e cessare nos podet su piantu |
| ma alziemus sos ojos a s'altura |
| esclamende
goie Deus Santu |
| bois
sezzis ebėa eternu e sumu |
| su
chi restat de poi es bentu e fumu |
|
| 15 |
| Vivimus in su mundu a borta orta |
| Deus
solu in eternu at a durare |
| Isuu
nos battit e Issu nos portat |
| A unu postu pro nos collocare |
| E duccas Angelina como es morta |
| Non podet pius no resuscitare |
| E senza cussu pro s'eterna gloria |
| Partesi da' sa terra transitoria |
|
| 16 |
| Essend'in Chelu, certu es chi disdignat |
| De torrare a su mundu attera ia |
| Perō intendo una oghe benigna |
| Dulche soave e de bella armonia |
| Boghe chi incantat boghe chi carignat |
| E creo chi Angelina cussa siat |
| Iscultemus ca forzis calchi avvisu |
| Dare
nos cheret da' su Paradisu |
|
| 17 |
| Cun
boghes amorosas de incantu |
| Ecco su chi nos narat Angelina |
| Babbu meu cessade su piantu |
| Non pianghedas una Cherubina |
| Ca in su chelu brillo atterettantu |
| De sa bella aurora matutina |
| E a prus de andare contra a Deu |
| Sentides
su felice istadu meu |
|
| 18 |
| Custa tenutta luttuosa e trista |
| Parentes
mios proite portades |
| Si deo goso de Deus sa vista |
| E cun cale motivu lacrimades? |
| Mai cheret piantu chie acchistat |
| Pro un'eternu sa felicidade |
| Anzis biadu chie si la gosat |
| Ca sa via celeste est'iscabrosa |
|
| 19 |
| De
sas pagas bellesas chi tenėa |
| Cherides chi mi torre a fregiare? |
| Cussas bellesas non fin cosa mia |
| Fin de terra, e a terra ten torrare |
| De poi chie gosat sa gloria |
| Podet in terra bellesas chircare? |
| Si sas bellesa benin dae inie |
| Vivid'allegros e lassade a mie |
|
| 20 |
| Angelina fit Angela in persona |
| De su celeste imperiu abbassada |
| Pro ipargher sa benedissione |
| In sa domo chi Deus l'at mandada |
| Cando at fattu sa sua missione |
| Che cal istella sich'est tramontada |
| E fulgida brillante e maestosa |
| In
s'eternu tramontu issa reposat |
|
| 21 |
| Est Angelina in sa celeste corte |
| Gosende
cuddu Deus de amore |
| E nois pianghindeli sa sorte |
| Ah
itte zeghedade, ah itte errore! |
| Cun sa sua carissima cunsorte |
| Vivat allegru Signor Salvadore |
| E cunfortet sos fizzos tottu cantos |
| Nois invece cherimos piantos! |
|
|
|
| 22 |
| Pro cantu chi de Deus ses eletta |
| A gosare pro semper in s'altura |
| De sa tua famiglia prediletta |
| O Cherubina eccelsa tene cura |
| A mie puru su mantu mi etta |
| Ca so isventurada criatura |
| E a sa morte servimos de ghia |
| Pro
ti fagher in chelu cumpagnia |
|
INIZIO
PAGINA
|