Pensende comente est su paradisu

Imaginende ite est su paradisu
Mi enit de pentzare a bidda mia,
cando in sa passada pitzinnia
fit totu jogu, brulla e totu risu.

e de su coro meu cun s’acisu
cun sos coros pienos de allegria,
cun accordu perfettu in armonia
su tintinnu ‘e su bresu fit divisu.

De su eranu sa note profumada
Lughent in s’aera lughes giaras
Est cun filos de oro ricamada.

Delitzias , incantos, festas raras
De custa idda mia tantu amada
Cantu campo in sa vida mi sunt caras.