Non naro chi
fist como sanu e forte,
abile sanu e forte ses bistadu,
semper su traballu as affrontadu,
ma non s'avversidade e mala sorte.
No at gloria
terrena coronadu,
donzi virtude chi ti at fattu corte,
innanti s'ora sa zelida morte
eternamente s'abbratzu ti at dadu.
Ti che andes in
bonora frade meu,
in mesu 'e virtuosos e de zustos,
potzas gosare in su Rennu 'e Deu.
Sos premios chi
as tentu suni custos,
sessantaduos annos chi fis reu
de suore e de lambrigas ifustos.
|