Sas bellesas de idda mia…

Paret logu de Deu benedittu,
sas amenas bellesas naturales.
Cheret valorizadu , donzi sittu
Pro ider de progressu sos sinnales.

Gai sos nostos produttos locales,
poden tottue accampare dirittu.
amos sozu e olia isquisittu
in ispineddu, sos binos papales.

Sa capatzidade in donzi impreu,
at criadu benessere a corona
est tottu unu giardinu nde recreu,

sa nosta costante opera ona,
s’assimizat a s’opera de Deu,
diventat unu chelu custa zona…