Deo m’ammento, de sende minore
Chi sempre soe istadu, amigu a tie.
E tue novas, daias a mie,
De sos antigos de Aidumajore.
Sa morte, ti hat chircadu, in custa die
E chie ti hat connotu, este in dolore.
Cussa est sa volontade, de su Signore
Bae in bonora e ista bene inie.

Bae in bonora, a su regnu e Deu
Si tenen contu, e su bonu operadu
Tue agattas, inie ogni recreu
E prega po sa idda, chi has amadu
Invoca grazias, dae s’Empireu
Chi enzas, su male in terra ismentigadu.