Sa raighina in dogni fantasia
ha postu pro giogare in sa natura,
gas'istas semper in mesu sa ia
in s'allegria et in sa disaura.
Ma deo, so convintu 'e parte mia
chi non esistis mancu in sa figura:
ses solu 'e su demoniu maia
pro esaltare e pro ponner paura.
Cun Satanassu imbrollas e truffas
a sos meschinos che chilcan a tie
in cartas lottos et in dogni giogu.
Cun sos maiarzos gia papas et buffas
falsa, fingida, gelida che nie
cun sa ruina gia ti faghes s'ogu.
Mait'ap'a pensare a contu meu
ca penso et prego solamente a Deu
|