Ses bella e ospitale o idda mia
cun sa fortuna ti a dadu onore
sighi goi o Idumajore
as venas de sarda poesia

In custu situ es tottu armonia
iscridinde versos de valore
e dogni santu tenes protetore
chi ti indicada sa giusta onesta via

Ispero sigas gai a camminare
semper 'in s'istrada e sa fortuna
sena mancunu de ismentigare

Beneighe sa zente a una una
semper 'isperende e mezzorare
senza fagher mancanzia peruna.