In lontanas partes de su mundu
ue tardat progressu e civiltade,
istentat una parte 'e umanidade
e su lamentu s'innalzat profundu

Cun sa Fide, Amore e Caridade,
Tue insegnas, cun animu giocundu,
cudda Dotrina chi tocat a fundu
tota sa Cristiana Veridade.

Chimbe Lustros... est s'Anniversariu
chi das a custa zente su cunfortu
chi podet dare unu Missionariu.

Augurios arriven da' ogni Portu
esaltende s'esempiu Umanitariu,
a cunfirma chi Cristos est Risortu.

Aidumajore, triulas 1988