S'otantaduos, de Marzu Deghennoe,
in custa data de su calendariu,
festa manna pro s'Anniversariu
in su Circulu sun fatende hoe.

Deo puru rezidu hapo s'invitu
chi est gradidu dae sa parte mia;
provo ricambio cun sa fantasia
e versos iscalpello in su granitu

Chilco 'e modellare s'iscultura
de s'Opera sublime e geniale,
ue s'innalzat ispaziat s'Ideale
in su perfetu vastu de s'altura.

Pasat in sa mente e miro a Tie,
- Circulu Ricreativu Idumajore -
sias Tue che Santu Protetore
da sa gioventue ch'hasa inie...

Su faru luminosu e sa Guida
a su giustu giara sa costanzia,
acomunet a totus fratellanzia,
Ispera e Caridade tota vida.

Terzu Anniversariu. Ses ativu,
sempre menzus est s'Auguriu meu:
sa fortuna sa gioja su recreu
a so Socios, a su Diretivu