Salve, dea Fortuna, dominante;
austera peregrina, impietosa;
isculta sa 'oghe mia, lamentosa,
velada,, e si perdet in s'istante.

In su male, mi ses fidele amante,
ca de bene, has dadu paga cosa;
de gai m'accumpagnas a sa losa,
serena, metodica e costante.

Sustenes s'animosu, chi est forte,
e creo, nessi in parte, chi siat beru
e vanten in sa vida, bona sorte.

Pro parte mia, hapo pagu isperu;
e finacando no arrivat sa morte,
pius amaru triunfat su misteru