Trascinende un’undada, minetosu
e terribile aparis in s’ijerru;
nieddu, avolotadu che inferru
che falas unfiadu e rumorosu.

E investis in modu prepotente
cantu  b’ada in mesu su canale;
pares tue su geniu ‘e su male
e ti siat su male indifferente.

Apen’arrivat caldu su eranu
e s’avvicinat serenu s’istiu,
tu’ allenas continu a manu manu.

Sa furia tua passat e su briu,
e ammudadu totu su bacanu
torras masedu che poveru riu.