sos poetas e sas poesias de Aidumajore

Giovanni Battista Piras

INDICE G.B.PIRAS  INDICE SOS POETAS  INDICE SITO

SANTU AINZU

Apustis cumprumissa s’istrutura,
pro annos ses restada in abandonu,
umile campana chi non at sonu,
abandonada, sola e senza cura.

Sa zente generosa, cun premura,
pentida guasi, in atu de perdonu,
in su che podet, issa faghet donu:
tue sighis maestosa in cuss’altura.

E ti miramus como che una ia,
serena veneranda ospitale,
antigu monumentu ‘e idda mia.

In Chida Santa, torret in Binzale
Che in prima unu cantu ‘e nostalgia
Pro sa Rughe de Cristos Immortale