Per conoscere i fatti che hanno ispirato questa poesia clicca su questa scritta

SAS ISCOPERTAS

Ti saludo o cara bidda mia
E fagher ti cheria cumplimentos:
ses ricca de antigos monumentos
ricca e forte in s’archeologia.

Como dae pagu in Bidumajore
fatende iscavos in periferia
“Eureka”: aba cana aba salia
est s’iscoperta manna de valore.

Iscurriat cust’aba a sa marina
In d’unu tubu sena cullegadu
Inquinende salones e cantina.

Si Dante a s’istante fit passadu
Un’atera cumedia divina
A su mundu zertu haiat lassadu

                        Giuanne Batista Piras