S’intessidura de sas Pramas

“Sa Dominiga de Passionu” comente dogni annu in Aidumaiore si preparana sas pramas intèssias, chi benini beneittas sa dominiga apustis in sa cresia de Sant’Ainzu e zadas a tottus sos fideles.
Occannu est toccau a dhas faere in domo de Giovanna Pinna. Mancàri no bi eppat Friorissa, s’impreu essìu (Pasqualina, Giovanna, Giovanna e Tatana) s’est occupau de sos doveres de sa cresia de Santa Rughe.
S’impreu de sos omines est andau a segare sos cambos de prama, unu pagu in sa zona noa, in sa matta de Tinu Mura, in Sant’Arbara, in Sant’Ainzu e unu mazzulu dh’ana attìu de Crabas.
Apustis bustàu, sas intessidòras si suni riunìas e, a chie segaiat sos cambos, a chie isdoppiaiat sas fozas e sas ateras comintzaiana a intessere.
Su traballu est durau finamentas a traddu notte e no ch’est bistau agabau puru, medas pitzocas si c’ana leau sos cambos po dhas sighire a faere in domo issoro.
B’at de narrere ca in bidda c’ada una tradizione seculare in s’intessidura de sas pramas chi este unu peccau chi si perdada, poite b’at pagu zente chi cheret imparare a dhas faere.
Como s’atteru attòbiu est a chenabura in Sant’Ainzu po cumponnere sos matzulos de s’olia.

Traduzione: L’intreccio delle Palme

La domenica di Passione, come ogni anno ad Aidomaggiore si preparano le palme intrecciate, che vengono benedette la domenica delle palme nella chiesa di San Gavino e vengono distribuite ai fedeli.
Quest’anno sono state preparate a casa di Giovanna Pinna. Anche se quest’anno non esiste un incarico di Prioresse, il gruppo uscente (Pasqualina, Giovanna, Giovanna e Tatana) ha curato gli impegni della chiesa di Santa Croce.
I confratelli di Santa Croce hanno tagliato i rami di palma in varie parti del paese, nel nuovo quartiere, nell’albero di Tinu Mura, a santa Barbara, a San Gavino ed un fascio acquistato da Cabras.
Dopo pranzo, le intessitrici si sono riunite e si son date da fare a tagliare i rametti a sdoppiare le foglie ed a intrecciare.
Il lavoro si è protratto sino a tarda sera e non è stato concluso infatti alcune ragazze si sono divise i rametti restanti per continuare il compito a casa loro.
C’è da dire che ad Aidomaggiore c’è una tradizione secolare nel lavoro di intreccio che è un peccato perdere, perché c’è sempre meno gente che ha voglia di imparare quest’arte.
Il prossimo appuntamento è per venerdì prossimo nella chiesa di San Gavino per la preparazione dei mazzetti d’ulivo.