NASCHIT LUGHES OSTENDENDE
S’AURORA MISTERIOSA
CALE VARA PRODIGIOSA
PORTENTOS PRONOSTICHENDE
BENEFIZIOS DERRAMENDE
A S’AFFLITTU E PECCADORE
Pro chi est naschida Maria...

NASCHIT SA RACHELA HERMOSA
E NASCHIT LIA FECUNDA
E NASCHIT SARA GIOCUNDA
E NASCHIT IOEL DONOSA
SA DEBORA PODEROSA
SA IUDITH DE PIUS VALORE
Pro chi est naschida Maria...

NASCHIT GIOCUNDA E HUFANA
FORMANDE IN RAJOS DONOSOS
CREPUSCULOS LUMINOSOS
A SA REDENZIONE UMANA
ED IN GRAZIAS SOBERANA
A S’ALMA OFFERIT FAVORE
Pro chi est naschida Maria...

NASCHIT S’ESTER FIGURADA
NASCHIT RUTH OBSEQUIOSA
E NASCHIT SA MENZUS ROSA
CH’EST IN GERICO PIANTADA
E NASCHIT PREDESTINADA
REINA DE OGNI FIORE
Pro chi est naschida Maria...

NASCHIT SA FEMINA FORTE
CHI SALOMONE CHIRCHESIT
NASCHIT SA CHI REPARESIT
SOS ISTRAGOS DE SA MORTE
NASCHIT DE SA ETERNA CORTE
SU DORADU RISPLENDORE
Pro chi est naschida Maria...

NASCHIT DE S’ALTA CITTADE
SA SORGENTE CRISTALLINA
NASCHIT SA INFANTA DIVINA
DE SA SANTA TRINIDADE
DE S’UMANA LIBERTADE
NASCHIT SU BRILLANTE ALBORE
Pro chi est naschida Maria...

NASCHIT SA FIZZA ISTIMADA
DE S’ETERNU CREADORE
DE SU VERU REDENTORE
NASCHIT SA MAMMA ISPETTADA
E NASCHIT SA ISPOSA AMADA
DE S’ALTU CONSOLADORE
Pro chi est naschida Maria...

NASCHIT SU CUNTENTU E GOSU
NASCHIT S’ARRIMU E AMPARU
NASCHIT S’AGGIUDU E REPARU
NASCHIT S’ALLIVIU E REPOSU
PATROCINIU PODEROSU
DE SU GIUSTU E PECCADORE
Pro chi est naschida Maria...

NASCHIT SA VARA SAGRADA
DE SU TRUNCU DE JESSE'
NASCHIT DE S’ETERNU RE
SA PRENDA PIUS PREZIADA
SUNAMITIS TRASFORMADA
CUN DISFRASSOS DE S’AMORE
Pro chi est naschida Maria...

MAMMA SANTA CUN ANELU
SOS MALES NOSTROS PERDONA
A SA CORONA ‘E SU CHELU
AGGIUNGHE CUSTA CORONA
CHI CUN UMILE CORO TI DONA
SOS FIZZOS DE IDUMAIORE
Pro chi est naschida Maria...

NASCHIT S’ACQUILA REALE
CHI CUN MODOS PEREGRINOS
PONET SOS FIZZOS BIGHINOS
A SU SOLE CELESTIALE
NASCHIT SU MANANZIALE
DE DONOS DE SU SEGNORE
Pro chi est naschida Maria...

A PORTU ARRIVAT SA NAVE
DE SU MENZUS MERCADERI
CH’IN MOVIMENTU LIZZERI
NOS PORTAT PANE SUAVE
COTTU CUN MISTERIU GRAVE
IN FIAMMAS DE FINU AMORE
Pro chi est naschida Maria...