Custu sero (30/03/07) s' Impreu de Santa Rughe s'est riuniu in sa cresia de Sant'Ainzu po preparare sos matzulos de s'olia. Ana azuau ateras pessones de bona voluntade. Sa Friorissa nos at cumbidau su gaffè e druches de medas calidades. Dominiga colada sun bistadas fattas treghentas pramas (Arraz'e traballu !!!!) como finios sos matzulos de s'olia este tottu prontu po sa Dominiga 'e Prama. Penzo chi po sos bidumajoresos ana a bastare. In custas fotografias, fattasa in s'oratoriu de Santa Rughe, si biene sas impreadas intentas a cunfetzionare sos matzulos de s'olia accapiandedhos cun sa prama. Como s'attobiu este a Dominiga a sas undighi in sa cresia de Sant'Ainzu po leare sa prama ei s'olia beneitta.                                                                                  Le foto si possono ingrandire.