A SU LAGU OMODEO

O lagu, chi de abba fis bundante,
como a ti mirare faghes pena:
assuttu has su lettu circostante:
 birde apparis in sa valle amena.
 
S'aspettu solamente has de gigante,
a sa forza fiaccada, lena lena:
sognas, folzis, cuddu navigante,
in s'abba antiga, lughid'e serena.

Sogna puru, o lagu, brama, ispera
'e torrare su tempus de una ia:
 una mite, giocunda primavera.

Non b'accomuno s'isperanzia mia:
ormai est pro me una chimera,
 su tempus lontanu 'e pitzinnia.

Gennaio 1974